Районда шәжәрәләрҙе өйрәнеү буйынса тәрән эш алып барыла. Күптән түгел "Тәрән тамырлы ағас оҙаҡ йәшәй" фәнни-ғәмәли конференцияһы үтте. Сараны беҙҙең гимназия уҡыусылары алып барҙы.  Байрам концерт номерҙары менән үрелеп эшләнгәйне. Үҙенең ырыу тарихы менән беҙҙең гимназиянан Кашапова Диләрә ҡатнашты. Диләрәне номинация яулауы менән ҡотлайбыҙ! 

     Республика көнөнә арналған шиғырҙы яттан һөйләүселәр конкурсы үткәрелде гимназияла. Шулар араһынан иң һәйбәт сығыш яһаусылар район этабына үтте. Беҙҙекеләр унда ла һынатманылар. Башҡортса шиғыр ятлап 1-4 кластар араһында Абдуллина Зарина-призер, 5-9 кластар араһында Хафизова Инзилә -призер һәм Ләйлә Муллағәлиева-еңеүсе, тип танылдылар. Афарин, ҡыҙҙар!